Meistari Lárus, meistari Lárus, sefur þú, sefur þú!! Hvað slær klukkan, hvað slær klukkan, hún slær þrjú....
Veit ekki ekki af hverju klukkan sló þrjú í þessu eftirminnilega leikskólalagi en Jakobi hefur verið skipt út fyrir Lárus í textanum að ofan auk þess sem klukkan slær nú eitt um nótt aðfaranótt þriðjudags - í gær (mánudag) skilaði MEISTARI Lárus nefnilega MA ritgerðinni sinni og hlaut þar með meistaragráðu í alþjóðasamskiptum með áherslu á þróunarmál og íþróttir. Hann skrifaði sérdeilis áhugaverða og skemmtilega ritgerð upp á fjölmargar síður sem skilaði honum að lokum meistara titli, kampavínsskál og góðum kvöldverði í kvöld.
Mánudagur á þessu heimili í Baskalandi er svo sannarlega ekki til mæðu heldur til Meistaragráðu!! ekki amalegt það.
3 comments:
Heill sé meistaranum!
Ég fékk frunsu af öllu stressinu í gær, án gríns :)
Ritgerðarskilastress rifjaðist heldur betur upp!
Eigið góða daga við að fagna áfanganum, hlakka til að sjá myndir af Lalla á brimbrettinu :)
kv
Fjóla sys
Til hamingju Lárus!
Með kveðju frá Hveragerði,
Guðrún Hafsteins.
Mánudagur til meistaragráðu, fílaða!
Til hamingju og verið nú dugleg að gera e-ð skemmtilegt og blogga um það :) Ég er farin að skilja þetta með að ferðast í gegnum aðra...
Post a Comment